Бугунги кунда дунёда 1,9 миллиард киши мусулмон ҳисобланади. Баҳоларга кўра, 2060 йилга келиб, дунёда ҳар учинчи киши мусулмон бўлади.

Ҳалол – араб тилидан олинган сўз бўлиб, қонуний, рухсат этилган маъносини англатади. Бундан ташқари, бутун дунёда мусулмонлар учун косметика воситалари, дори-дармонлар ва парҳез қоидаларини қамраб оладиган концепциядир. Шариатга, ислом қонунлари мажмуига кўра, мусулмонлар фақат шу тоифадаги маҳсулотларни истеъмол қилиши мумкин, чунки улар Аллоҳ томонидан рухсат этилган. Иудаизмда ҳам шунга ўхшаш тушунча мавжуд: у кошер деб аталади.
Ҳаром саналган, яъни тақиқланган чўчқа гўшти, этил спирти ва қоннинг тақиқланишини мисол қилиб келтириш мумкин. Ҳалол маросимларда тўғри қурбон келтириш шартларига риоя қилган ҳолда сўйилган мол гўшти, товуқ гўшти, қўй ва эчки гўштини истеъмол қилиш мумкин.
Тақиқлаш нафақат бу маҳсулотларга, балки таркибида ушбу моддалар бўлган ёки улар билан алоқада бўлган нарсаларга ҳам тааллуқли. Масалан, гўштга уриладиган муҳрда чўчқадан олинадиган глицерин бўлмаслиги керак.
Мусулмонлар бунга жиддий муносабатда бўлиши сабабли истеъмол қилинадиган маҳсулотларга тўғри ишлов берилишига жиддий эътибор қаратиш керак. Бинобарин, мусулмон истеъмолчиларга хизмат кўрсатиш ниятида бўлган компаниялар сертификатланган бўлиши керак.
«Бугунги кунда дунёда 1,9 миллиард киши мусулмондир. Баҳоларга кўра, 2060 йилга келиб, дунёда ҳар учинчи киши мусулмон бўлади. Шундай қилиб, улкан бозор, ўрганиш учун катта салоҳият бор. Шунингдек, мусулмон истеъмолчилар жуда садоқатлидир. Улар сифатли маҳсулот таклиф қилаётган сертификатланган брендни аниқлаши билан унга мойил бўлиб қолади», - изоҳ беради Бразилиядаги ҳалол сертификатлаш асосий марказларидан бири Fambras Halal сифат бўйича координатори Элейн Франко де Карвалью.
Бу нафақат Яқин Шарқ ва Шимолий Африкада, балки Бразилияда ҳам мужассам топган бозордир. Масалан, жуда кўп сонли мусулмонлар яшайдиган ва ҳалол озиқ-овқат маҳсулотлари энг йирик истеъмол бозори саналган Индонезияда сертификатлаш экспортчилар учун мажбурий ҳисобланади.
«Компания сертификатлангандан сўнг у илгари хизмат кўрсатмаган айрим мамлакатларга хизмат кўрсатишни бошлайди, чунки эндиликда экспорт уун талаб ёки дифференциал сифатида ҳалол сертификатга эга бўлади», - деди Элейн.
Ислом иқтисодиёти ҳолати ҳақида сўнгги Жаҳон ҳисоботи маълумотларига кўра, пандемиягача Бразилия дунёдаги энг йирик ҳалол озиқ-овқат маҳсулотлари экспортчиси бўлган. 2019 йил мамлакат 16,2 миллиард долларга ушбу маҳсулот турларини экспорт қилган, бу иккинчи ўринни эгаллаган ва 4,1 млрд долларлик маҳсулот сотган Ҳиндистондан 12% кўпдир.