Индонезия туризм вазири Сандиага Унонинг айтишича, ушбу давлат ҳалол туризм нуқтаи назаридан етакчи мамлакат ҳисобланади, дея хабар қилади Detik. «Биламизки, Индонезия – дунёда ҳалол туризм маконига айланган, ривожланаётган мамлакатлардан бири.

2019 йил учун «Глобал ислом иқтисодиётининг ҳолати» ҳисоботига кўра, Индонезия мусулмонлар учун мўлжалланган туризм харажатлари энг катта бўлган мамлакатлар бешлигидан ўрин олди», - деди Сандиага Уно халқаро туризм соҳасининг бир қатор етакчилари билан учрашув вақтида.
Вазирнинг сўзларига кўра, Индонезияда ҳалол туризм йўналишлари кўп ва янада кўпроқ ривожлантириш мумкин бўлган потенциал ресурслар мавжуд. Туризм вазирлиги Индонезияда туризм сифатини яхшилашда давом этмоқда.
Сандиаго Уно 2021 йил 13-15 июль куни бўлиб ўтадиган, ҳалол туризм сифат масалаларига бағишланган панелли дискуссияда иштирок этиш учун бутун дунёдан туризм соҳасининг манфаатдор вакиллари, туризм бўйича халқаро кенгашлар ва барча миллий туризм ташкилотларини таклиф қилди.